வீசியெறியப்பட்ட
உடைந்த மனிதர்கள்
ஆனாலும்
குப்பைகள் மனதில் இல்லா
மாணிக்கங்கள்
சுயநினைவோடு சுற்றுகிற
அஃறிணைகளுக்கு மத்தியில்
சுநினைவில்லாமல் சுற்றுகிற
உயர்திணைகள்
கனவுலக வாசிகளாக வாழும்
பணவுலக வாசிகளிடையே
நினைவே கனவாக
கனவே நினைவாக
தன்னையே தொலைத்துவிட்ட ழூதற்குறிகள்
கனவாக உலகை காணும்
கனவான்கள்
நினைவுகளை தொலைத்து விட்ட
நிஜங்கள்
எதுவும் தெரியாத ஏதோ ஒன்றாக
எப்போதும் திரிகிற உத்தமர்கள்
ஒன்றை மட்டும் நினைவாய் பதித்து
ஒன்றை மட்டும் உணர்வாய் விதைத்து
ஒன்றுக்கொன்று வேறுபாடு தெரியாமல்
ஒன்றாகவே வாழும் ஒருமைவாதிகள்
உளறல்களின் உறைவிடமாகி
புலம்பல்களின் புகலிடமாகி
பித்தம் தலைக்கேறி
சித்தம் தடுமாறி
நித்தம் நடைபோடும்
புத்தம் புதியவர்கள்
ஆறாம் அறிவிழந்து
ஐந்தறிவு மனிதனாகி
ஆறறிவு மனிதருடன்
சேராத அதிசயங்கள்
கருத்துகள் இல்லை:
கருத்துரையிடுக